پەیوەندی bergeh.com@gmail.com

ئێریشا سەر رۆژنامەڤانێ كورد ل رووسیایێ

ئێریشا سەر رۆژنامەڤانێ كورد ل رووسیایێ

ڕۆژنامه‌ڤانێ کورد ژ باشوورێ كوردستانێ یێ كەنال (کوردستان24)  خۆشه‌ڤی محه‌مه‌د، ل مۆسکۆیا پاتیەختا رووسیایێ ڕاستی ئێریشه‌کێ هات. چەند رۆژە ل نه‌خوه‌شخانه‌یا بوتكین ل مۆسكۆیێ دھێتە چارەسەر كرن و ڕه‌وشا وی نه‌ باشه‌.

ل گۆر زانیاریێن مالپەرا مە،  چەند كەسان خوشەڤی بریە ناڤ دارستانەكێ و بۆ مرنێ لێدانە ھەتا ژێ بێھڤی بوون  و لاشێ وی ل وێ دارستانێ ھێالایە.

رۆژنامەڤان خوشەڤی ب ئاوایەكی پرۆفه‌سیۆنال كارێ خوە یێ رۆژنامەڤانیێ دكر و چه‌ند جاران ڕاسته‌ ڕاست پرس ل سەر مه‌سه‌لا کوردی  ژ  ڤلادەمیر پووتین سەرۆكێ رووسیایێ  کرینه‌.

خوشەڤی محەمد د ده‌ما پره‌سکۆنفه‌رانسا پووتین یا سالانه‌ دا ب جلكێن كوردی و ب دەرسوكا سۆر بەشدار بوو و  پرسێن گرێدایی مەسەلا كوردی ژ سەرۆكێ رووسیایێ كرن.

مالباتا خوەشڤێ محەمەد، د داخویانیەكێ دا داخوازێ ژ سەرۆك بارزانی، نێچیرڤان بارزانی، مەسروور بارزانی و مەكتەب سیاسیا پارتی دكە كو ئەنجامدەرێن وێ تاوانێ بھێنە ئاشكرا رن و بگەھن سزایێن خوە.

د مه‌دیا ڕووسی ده‌ ئه‌ڤ چه‌ند ڕۆژه‌ ل سه‌ر هه‌ڤ د ده‌ربارێ ئێریشا سه‌ر ڕۆژنامەڤانێ کورد خۆشەڤی محه‌مه‌د گه‌له‌ک زانیاری تێن بەلاڤ كرن. لێ مەدیا باشوور ب گشتی و كوردستان24 ب تایبەتی خوە ل ڤێ پرسێ نەكریە خودان وەكو پێویست بە چەوانیا چێبوونا بوویەرێ و تاوانبارێن وێ  ژ رایا گشتیی را نەھاتیە ئاشكرا كرن،

ل گۆر ھندەك چاڤكانیان، نوونەراتیا حكومەتا كوردستانێ ل مۆسكۆیێ  و پارتیا كاركەرێن كوردستانێ (پەكەكە) ب ڤێ كریارێ رابوونە و ئەو تێن تاوانبار كرن، لێ مە نەكاری ڤان ئیدیعایا پشت راست بكن.

نوونه‌رێ پارتیا ده‌مۆکراتا كوردستانێ (پدک) ل ڕووسیا، خوشەڤی باباکر، ئێریشا سەر رۆژنامەڤانێ كورد شه‌رمه‌زار دكە و داخواز ژ یه‌کیتیا ڕۆژنامه‌ڤانێن کوردستانێ و نوونه‌رێن چاپه‌مه‌نیا ڕووسیایێ دكە کو ل هه‌مبه‌ر ڤێ تاوانێ دەنگێ خوە بلند بكن و  شەرمەزار بكن.

 دڤێ هه‌موو ڕۆژنامه‌ڤانێن کورد و بیانی ده‌نگێ خوه‌ ل هه‌مبه‌ر ڤێ ئێریشێ بلند بکن. ژ به‌ر خۆشه‌وی د ناڤ ڕۆژنامه‌ڤانێن بیانی ب ته‌یبه‌ت ڕووسی ژی یێ ناسکری بو.

لێ پرسا گەلەك بالكێش ئەڤە:  گەلۆ چما كەنالا كوردستان 24 ل سەر ڤێ تاوانێ بێ دەنگە ووەكە پێویست ل رۆژنامەڤانێ خوە خوەدی دەرناكەڤ؟