پەیوەندی bergeh.com@gmail.com

بەرگەھ دبە شەش ھەیڤ

بەرگەھ دبە شەش ھەیڤ

مالپه‌را مه‌ (به‌رگه‌ھ) د دەستپێكا مه‌ها گولانێ دا، ئانگۆ د 2019.05.07 ێ دا شه‌ش مه‌هێن خوه‌ تمام دكە . ده‌ما مه‌ به‌ری 6 مه‌هان ده‌ست ب وه‌شانا (به‌رگه‌ھ)ێ کر مه‌ هینگێ ب داخویانیه‌کێ ڕایا گشتی و مه‌دیا کوردی ئاگادا کر (لینکا وێ ل ژێره‌).

ب مناسبه‌تا 6 هه‌یڤییا مالپه‌را (به‌رگه‌ھ) ئه‌م ژ دل سپاسیا وان هه‌موو دۆست، هه‌ڤال و خوه‌ندەڤانان دکن یێن ده‌ستخوه‌شی و پیرۆزباهی ل مه‌ کری.

د ناڤا ڤان شه‌ش مه‌هان دا چه‌ند تێبینی و پێشنیار ژ مه‌ ڕا هاتنه‌، ئه‌م دێ ب دله‌ک خوه‌ش به‌رسڤا وان تێبینیان بدن و وان پێشنیاران ژی ب مفا وه‌رکگرن:

1- مالپه‌را مه‌ ب ته‌نێ ب کورمانجی و ب حه‌رفێن ئارامی/عه‌ره‌بی دێ به‌رده‌وامیێ ب وه‌شانا خوه‌ بده‌.
2- ئه‌م چ زاراڤ و زمانێن دن ل مالپه‌را خوه‌ زێده‌ ناکن. ئه‌م دخوازن ب ڕێیا به‌رگه‌هێ خزمه‌تا زمانێ کوردی/کورمانجی یێ بکن.
3- ئه‌م هه‌ول ددن خوه‌ ژ ده‌ڤۆکێن لۆکالی ڕزگار بکن و وێ کورمانجییا ستاندارد هه‌یه‌ کو کورمانجیئاخێڤێن ب حه‌رفێن لاتینی ژی بکار تینن، ژ خوه‌ ڕا بکن بنگه‌ه.
4- مه‌ د ده‌ستپێکا وه‌شانا خوه‌ دا نیشان دایه‌ کو مالپه‌را مه‌ نه‌ بێته‌ره‌فه‌، ئه‌م ته‌ره‌فدارێن خه‌تا نه‌ته‌وه‌یی، کوردستانیبوون، سه‌رخوەبوون و ده‌وله‌تبوونێ نه‌.
5- مالپه‌را مه‌ دێ جهبده‌ هه‌موو نووچه‌، نووچه‌/ئانالیز و نڤیسێن د به‌رژه‌وه‌ندیا گه‌لێ کورد و بهێزکرن و خورتکرنا خه‌تا نه‌ته‌وه‌یی، سه‌رخوه‌بوون و ده‌وله‌تبوونا کوردستانێ دا بن.
6- ئه‌م دزانن سازیێن مه‌دیایێ هه‌نه‌ کو ب له‌ز نووچه‌یان دوه‌شینن. لێ ئه‌م ب ته‌نێ نووچه‌یا ناوه‌شینن، ئه‌م نووچه‌یان ئانالیز دکن، شرۆڤه‌ و دنرخینن. ئه‌ڤ ژی یه‌ک ژ تایابه‌نتمه‌ندیێن مالپه‌را به‌رگه‌هێ یه‌.
7- ئه‌م گرنگیێ ددن دیتن، هزر و نڤیسێن هه‌موو که‌سان ب تایبه‌تی نڤشێ نوو، نه‌ شه‌رته‌ تو نڤیسکار بی و به‌رمله‌کێ کتێبێن ته‌ هه‌بن، نه‌شه‌رته‌ تو سیاسەتمه‌داره‌کێ ب ته‌جرووبه‌ و ب ته‌مه‌ن بی یان د سه‌رکۆکاتیا پارتی و ڕێخستنه‌کێ دا بی، دیتن و هزرێن نڤشێ نوو ژ بۆمە گرنگترن. ڤێچا بوێر به‌ ل گۆر زانینا خوه‌ و هزرێن خوه‌ بوویه‌ران بنرخینه‌، شرۆڤه‌ بکه‌ و ئه‌م ژی دێ بوه‌شینن دا زێده‌تر سود و مفا ژێ بێ وه‌رگرتن و ئه‌و هزر و باوه‌ری ل با ته‌ نه‌ مرن.
8- ئه‌م، جاره‌که‌ دن، داخوازێ ژ هه‌موو ته‌خێن جڤاکێ، ب تایبه‌تی ل ده‌ڤه‌را بادینان دکن ل مالپه‌را خوه‌ مالپه‌را (به‌رگه‌ھ) خوه‌دی ده‌رکه‌ڤن و ب به‌رهه‌مێن خوه‌ (ئابۆری، سیاسی، هونه‌ری، ڤدیۆ، دیرۆک و یێن دن) مالپه‌رێ زه‌نگین، بخه‌مل و ڕه‌وشتر بکن

ئەم ھیڤیدایین خوەندەڤانێن مە بەردەوام پێشنیار، تێبینی و دیتئنێن خوە ژ بۆ مە بشینن داكو ئەم ژی ل بەر رۆناھیا وان تێبینی و پێشنیاران مالپەرا خوە باشتر و چێتر لێ بكن.

https://bergeh.com/%DA%98-%DA%95%D8%A7%DB%8C%D8%A7-%DA%AF%D8%B4%D8%AA%DB%8C-%D9%88-%D9%85%DB%95%D8%AF%DB%8C%D8%A7-%D9%83%D9%88%D8%B1%D8%AF%DB%8C-%D8%B1%DB%95/

نسرەت حاجی
ل سەر ناڤێ رێداكسیونا (بەرگەھ) ێ
19.04.2019

bergeh.com

bergeh.eu