پەیوەندی bergeh.com@gmail.com

تێكەلیێن بریتانیا و كوردستانێ د وارێ یاسا و دادوەریێ دا

تێكەلیێن بریتانیا و كوردستانێ د وارێ یاسا و دادوەریێ دا

نێچیرڤان بارزانی سه‌رۆکوه‌زیرێ کوردستانێ، ڕۆژا 24.01.2019 ێ ل باژارێ هه‌ولێرێ، دگه‌ل شانده‌یه‌کا بالایا جڤاتا دادوه‌ریا شاهانه‌ یا بریتانیایێ کو ژ هه‌ر دو جیگرێن سه‌رۆکێ وێ جڤتاتێ؛ دادوه‌ر گرۆسس و ئان ڕافه‌رت و به‌رپرسێ مه‌شق و ڕاهینانێ ل په‌یمانگه‌ها دادوه‌ریا شاهانه‌ دادوه‌ر ئاندرو هاته‌ن پێکاتابوو، جڤیا و د جڤینێ ده‌ چه‌ند پرسێن گرێدایی وارێ یاسا و دادوه‌ریێ گۆتووبێژ کرن.

شانده‌یا مێڤان به‌رهه‌ڤیا خوه‌ نیشان دا کو دگه‌ل جڤاتا دادوه‌ریا کوردستانێ هه‌ڤاهه‌نگیێ بکن و پشتگریا ڕۆلا یاسا، دادوه‌ری و بهێزکرنا دادگه‌هان ل کوردستانێ د وارێ ته‌کنیکی و ڕاهینانا دادوه‌ران ل ناڤخوه‌ و ده‌رڤه‌یی کوردستانێ دا بکن، ئه‌ڤ ژی ب ئارمانجا باشتر برێڤه‌برنا دۆسیه‌یێن ته‌رۆرێ و سه‌ربخوه‌یا ده‌ستهه‌لاتا دادوه‌ری و سه‌روه‌ریا یاسا ل باشوورێ کوردستانێ یه‌.

نێچیرڤان بارزانی سپاسیا سه‌ردانا شانده‌یا ناڤبۆری کر و هێڤی خوه‌ست کو ئه‌نجوومه‌نا وان ب هه‌ڤکاری و هه‌ڤاهه‌نگی دگه‌ل جڤاتا دادوه‌ریا هه‌رێما کوردستانێ کار ژ بۆنا زێده‌تر پێشڤه‌برنا وارێ یاسا و دادوه‌ریێ ل کوردستانێ بکن، ب تایبه‌تی کو بریتانیا د وارێ سه‌روه‌ریا یاسا و دادوه‌ریێ دا خوه‌دی ته‌جرووبه‌یه‌ک دوور و درێژ و ساخله‌مه‌.

سەرۆكوەزیر گۆت كو ژ بۆنا به‌رده‌وامی و زێده‌تر بهێزکرنا تێکه‌لیێن د وارێ دادوه‌ریێ دا د ناڤبه‌را کوردستان و بریتانیایێ دا، حکومه‌تا هه‌رێما کوردستانێ ئاماده‌یا هه‌موو هێسانکاریان بکه‌.