پەیوەندی bergeh.com@gmail.com

ل روژهەلاتا ناڤەراست کوردستان مەلبەندێ پێکڤەژیانێ

ل روژهەلاتا ناڤەراست کوردستان مەلبەندێ پێکڤەژیانێ

رمضان نصرالدین کێڤلی

 د دەمێ خودا تێگەهێ پێکڤەژیانێ وەکو تێگەهەک سیاسی و ناڤدەولەتی  دهاتە بکارئینان، نەخاسمە پشتی تێکچوونا پەیوەندیێن وەلاتێن زلهێزێن دونیایێ و د ڤی واری دا خروتشوف رولەکێ کاریگەر هەبویە د سیاسەتا ناڤدەولەتی دا، چونکە پەیوەندیێن دوو جەمسەران زور ئالوز ببون لەورا پەنا برنە بەر پێکڤەژیانا سیاسی…

 پێکڤەژیان ئانکو باوەریبوون ب دین و نەتەوە و مەزهەبێن جیاواز کو هەر ئێک ژڤان پێکهاتێن دینی و نەتەوەیی خودان ماڤ بیت ل گور یاسا و رێسایێن دەولەتێ و د هەمان دەم دا دەستهەلات ج جیاوازیێ نەکت دنافبەرا چ پێکهاتان دا…..

  پرانیا وەلاتێن روژهلەلاتا نافەراست پرسگرێكا پێکڤەژیانێ هەیە، ژ وان عێراق وەکو وەلات و ل هەمی قوناغێن گەشەنسەندنا سیاسی ل عێراقێ زوربەیێ پێکهاتان هاتینە چەوساندن چ ژلایێ سیاسی ڤە یان ئاینی ڤە.

 لێ ج جاران کوردستان بەشەک نەبویە ژ ئەڤێ چەوساندنێ، هەر ل سەر دەمێ شێخ عبدالسلام بارزانی و تاکو شورەشا ئیلونێ و پاشی ل سەر دەمێ دەستهەلاتداریا کوردی هەمی نەتەوە و پێکهاتێن ئاینی د ئازاد و سەربەست بوینە و کوردستان پەناگەها وان بویە و هەردەمێ توشی دەردەسەریەک و نەهامتیەکێ بوینە حکومەتا هەرێمێ خزمەتا وان کریە بێ جیاوازی.

 ئها ئەڤرو ژی ل پرانیا ڤان وەلاتان کێمنەتەوە و ئاینان ئەو ماڤ نینن کو بتنێ چەژنا سەرسالێ ب ئازادیانە بکەن و ترس ژ گروپێن توندرەو هەنە کارێن تیروری بەرامبەری وان ئەنجام بدن و باشترین نمونە داخویانیا زانایێن سونی ل عێراقێ و حەرامکرنا چەژنا سەر سالێ یە.  ئەگەر ئەم بەراوردیێ بکن ل پایتەختێ هەرێما كوردستانێ بتنێ پتر ژ ٥٠٠ جهان ئەڤ ئاهنگە ب ئازادانە ھاتە گێران ژ بلی بابەتێ سەرسالێ ژی ل پتریا پارێزگەھ و قەزا و گوندێن کوردستانێ کەنیسە و بنگەهێن برایێن ئێزدی و قوتابخانێن سریانی و ناڤەندێن رەوشەنبیری و کەلتوری هەنە گرێدابێ ئەڤان دین و نەتەوویێن دینە ل کوردستانێ و ئەڤ پێکڤەژیانە و لیبورینا ئاینی بویە ئەگەرێ هندێ کو پێگەهێ کوردستانێ گەلەك بهێز بیت ل ناڤەندێن ناڤدولەتی دا.

بابەتێ پێکڤەژیانێ بو ئەخلاق و رەوشت لدەڤ هەر تاکەکێ کورد و پێگێریێ پێ دکت و بەشداربوونا بەرێز سەروک وەزیران ل زوربەیێ هەلکەفتێن برایێن مەسیحی و ئێزدی دوپاتی کرنە ل فەرهەنگا پێکڤەژیانێ و خالا دلنیابوونا ئەڤان پێکهاتانە کو کوردستانێ ب وەلاتێ خویێ رەسەن بزانن و ئاوارەبونا ئەڤان پێکهاتان ژ بەشێن دیێن عێراقێ بو کوردستانێ باشترین بەلگەیە ل سەر گوتنا مە.   د دەمێ خودا بارزانیێ نەمر ژێرخانەک پری وەفادارای دانابوو کو ل شورەشێ دا ماڤێن برایێن مەسیحی وەکو پرنسیپێن شورەشێ دهاتن هژمارتن و چ جاران سەرەدەری دگەل خەلکەکێ نەدهاتە کرن لسەر بنەمایێ نەتەوەیێ یان ئاینی و ل قوناغا بهێت ژی کوردستان دێ هەر مینیت ئەو مەلبەندێ پێکڤە ژیانا سیاسی و ئاینی و نەتەوەیێ.