پەیوەندی bergeh.com@gmail.com

ناخوازە ناڤەرۆكا ھەڤدیتنا ب دەمیرتاش را ئاشكەرا بكە

ناخوازە ناڤەرۆكا ھەڤدیتنا ب دەمیرتاش را ئاشكەرا بكە

پارله‌مه‌نته‌رێ جەهەپێ یێ ستانبولێ، سه‌زگن تانریکولو، ل گرتیگه‌ها ئه‌درنه‌یێ سه‌ردانا هه‌ڤسه‌رۆکێ به‌رێ یێ هەدەپێ، سه‌لاحەدین ده‌مرتاش و پارله‌مه‌نته‌رێ هەدەپێ یێ هەکاری یێ که‌ڤن عەبدوڵاه زه‌یدان کر.

سه‌زگن تانریکولو پشتی هه‌ڤدیتنێ نەخوەست چ داخویانیا بدە و نەخوەست ناڤەرۆكا ھەڤدیتنێ ژی ژ رایا گشتی را ئاشكەرا بكە، وی ب تەنێ گۆت: من دگه‌ل ده‌مرتاش به‌حسا ڕۆژه‌ڤا سیاسی کر و مه‌ گه‌له‌ک مژار ب هه‌ڤرا نرخاندن. لێ نه‌ ڕاسته‌ کو ئه‌ز د ده‌ربارێ ڤێ هه‌ڤدیتنێ دا تشته‌کی بێژم. دەمرتاش ب خوه‌ به‌حسا ناڤه‌رۆکا هه‌ڤدیتنێ بکه‌ باشتره‌.

تێ زانین کو پشتی داخویانیێن ئۆجەلان ، جەهەپێ هێڤیا خوه‌ ب سه‌لاحەدین ده‌مرتاش ڤه‌ گرێدایه‌. تێ گۆتن کو، د ڤێ پێڤاژۆیێ دا، باندۆر و كارتێكرنا ده‌مرتاش ژ یا ئۆجەلان پتر ل سه‌ر هەدەپێ هه‌یه‌. لێ هه‌لوه‌ستا هەدەپێ و که‌سێن ده‌نگێن خوه‌ ددن ڤێ پارتیێ گرێدایێ قه‌ندیله‌.
نها ژی پشتی 8 سالا ئۆجەلان جاردن ده‌رکه‌ت قادا سیاسه‌تێ. ئه‌ڤه‌ ده‌مه‌ک درێژ بوو کو ده‌نگێ ئۆجەلان ژ ئالیێ قه‌ندیلێ ڤه‌ هاتبوو برین . لێ ده‌وله‌تێ جاردن ڕێ دا کو هه‌ڤدیتنێن پارێزه‌را دگه‌ل ئۆجەلان چێ ببن و ده‌نگێ وی ده‌رکه‌ڤه‌.

پەیاما ڤێ داویێ یا سەرۆكێ زیندانكریێ پارتیا كاركەرێن كوردستانێ (پەكەكە) ئوجەلان ژ ئالیێ پرانیا چاڤدێرێن سیاسی ڤە وەكە پشتەڤانیەك ژبۆ ئەردۆگان ھات نرخاندن كو ب وێ پەیامێ ئوجەلان خوەست كوردێن ل ستانبولێ دەنگ ب بەربژێرێ ئاك پارتیێ بدەن. ژ بەر ھندێ ژی پارله‌مه‌نته‌رێ جەهەپێ یێ ستانبولێ، سه‌زگن تانریکول، سەردانا سه‌لاحەدین ده‌مرتاش كر داكو كوردێن ستانبولێ، وەكێ بەری نھا، دەنگ ب بەربژێرێ جەھەپێ بدەن.