پەیوەندی bergeh.com@gmail.com

ناڤبه‌را ئه‌مریکا و ترکیێ دا بازارا “کوردا“ هه‌یه‌

ناڤبه‌را ئه‌مریکا و ترکیێ دا بازارا “کوردا“ هه‌یه‌

هه‌لوه‌ستا ترکیێ یا د ناڤبه‌را ئەمریکا و ڕوسیایێ دا هێدی هێدی زه‌لال دبه‌. دێ هه‌لوه‌ستا ترکیێ پشتی هلبژارتنێن ھەرێمی 31 ێ ئادارێ زه‌لاتر ببه‌. ژ به‌ر کو هێدی ترکیا مه‌جبوره‌ بریارا خوه‌ یا داویێ بده‌.

ئه‌ڤ ڕه‌وشا ترکیا ڕۆژانه‌ د مه‌دیا ئه‌ورۆپی دا تێ نرخاندن و ل سه‌ر ڤێ ڕه‌وشا دو ئالی نرخاندن تێنه‌ کرن.

ڕۆژناما بریتانی، زی تایمز، د نرخاندنه‌ک یا خوه‌ دا دبێژه‌: کرینا سیستەما رۆكێتێن س-400 ژ ڕوسیایێ ئەمنیەتا ھەڤپەیمانیا ناتۆیێ تێخه‌ خه‌ته‌رێ دا. ئه‌ڤ یه‌ک ژی وه‌لاتێن ڕۆژاڤا دکه‌ دو به‌ش. ڕۆژنامە بانگ ل سەرۆك كۆمارێ تركیا، رەجەب تەیب ئه‌ردۆگان، دکه‌ و دبێژه‌ ڤێ مژارێ جاردن د به‌رچاڤان ڕا ده‌رباس بکه‌.

ل گۆر رۆژنامەیا ناڤبۆری، ترکیا پره‌که‌ د ناڤبەرا ئه‌ورۆپا و ئاسیایێ دا، ئه‌ڤه‌ ده‌مه‌ک درێژه‌ ل گه‌ل ئه‌ورۆپا و ڕۆژاڤا د ناڤا تفاقه‌کێ دا یه‌. لێ ڤێجا ئاشكرا دبە كو ترکیا ژ هه‌ڤالبه‌ندیا وەلاتێن ڕۆژاڤا دوور دکه‌ڤه‌. ژ ئالیه‌ک دن ڤه‌، ل هەمبه‌ر هه‌موو گەفێن ئەمریکا و ئه‌ورۆپایێ ترکیا رژدە كو سیسته‌ما س-400 ژ ڕوسیایێ بکره‌.

ڕۆژنامه‌ دبێژه‌ کو، سەرۆكێ روسیایێ، پوتن، هه‌ولدده‌ یه‌کێتیا د ناڤا ناتۆیێ دا تێک بده‌. لێ دێ د داویێ دا گه‌لێ ترکیه‌ وندا بکه‌:

  • مه‌یلا ئه‌ردۆگان یا ل هەمبه‌ر کره‌ملن ژ ده‌رڤه‌ عه‌جێب تێ دیتن. ترکیا د دیرۆکێ دا گه‌له‌ک ب ھشیاری نێزکی ڕوسیایێ بوویه‌ ، سه‌ده‌مێن ڤێ یێن جودا هه‌نه‌. نێزیکبوونا ترکیێ یا ئه‌مریکا و دەولەتێن ڕۆژاڤا ژ ده‌ما ستالین دا کو روسیا ل هەمبه‌ر ئاخا ترکیا ناڤا ئێریشه‌کی دا بوو، ده‌ستپێ دکه‌ و ئه‌ڤ یه‌ک هه‌تا سالا 1946ێ بەردەوام دبە.

ترکیه‌ سالا 1952 ێ بوو ئه‌نداما ناتۆ. ڕۆژا ترکیا بوویە ئه‌نداما ناتۆ جارا یه‌که‌م سالا 1974 ێ ژ بۆ پرسا قبرسێ ئالۆزی د تێكەلیێن ناڤبه‌را ئه‌مریکا و ترکیا دا ده‌رکه‌ت. ژ بلی ڤێ، ئه‌ڤ کریزا ئیرۆ د پێوه‌ندیێن ئەمریکا و ترکیه‌یێ دا یا مه‌زنه‌.

ڕۆژنامه‌ دده‌ خوویاکرن کو، نێزکبوونا ترکیێ یا ڕوسیا ئیحتماله‌ کو ژ بەر پرسا کورد ل سوریێ به‌ ژی. یانی ئه‌گه‌ر ئه‌ردۆگان دەست ژ کرینا سیسته‌ما س-400 به‌ردە، دێ ئه‌مریکا ھارکاریا کوردێن سوریه‌ نه‌که‌ و دەست ژ وان به‌رده‌. روسیا ژ بۆ ناڤبه‌را ئەمریکا و ترکیێ باش نه‌بە كارتا ئدلبێ ب کار تینه‌.