پەیوەندی bergeh.com@gmail.com

نێچیرڤان بارزانی: خەونا پدك ژبو گەلێ كوردستانێ یە

نێچیرڤان بارزانی: خەونا پدك ژبو گەلێ كوردستانێ یە

نێچیرڤان بارزانی: خه‌ونا پدک ژ بۆ گه‌لێ کوردستانێ یه‌ و خه‌ونێن مه‌ رەوانه‌، ئه‌گه‌ر ئیرۆ ئه‌و خه‌ون پێک نه‌یێن دێ سبه‌ پێک وه‌رن. نێچیرڤان بارزانی: وه‌ک سه‌رۆک بارزانی ژی دبیژه‌، ئه‌م خوه‌ ژ که‌سی رە ناچه‌مینن، لێ نه‌ ته‌نێ جاره‌کێ ١٠٠ جاری ئه‌م خوه‌ ژ گه‌لێ کوردستانێ رە دچه‌مینن. جێگرێ سه‌رۆکێ پارتیا ده‌مۆقراتا کوردستانێ ( پدک ) نێچیرڤان بارزانی راگەهاند: پدک تێ واته‌یا پێشمه‌رگه‌. پێشمه‌رگه‌ ژی گه‌له‌ک قوربانی ژ بۆ ئارمانجا پدکێ دانه‌. ژ به‌ر ڤێ ژی به‌رده‌وام پدک بسه‌ردکه‌ڤه‌. وه‌ ژ هه‌موویان رە پشتراست کر کو پدک پێشره‌وه‌ و دێ هه‌ر پێشره‌و ژی بمینه‌. پدک قه‌ت ناشکێ و ناکه‌ڤه‌ و دێ هه‌ر سه‌رکه‌فتی به‌. خه‌ونێن مه‌ رەوا نه‌، ئه‌گه‌ر ئیرۆ ئه‌و خه‌ون پێک نه‌یێن دێ سبه‌ پێک وه‌رن. نێچیرڤان بارزانی ل هه‌ولێرێ د چا‌رچۆڤا چالاکیێن پرۆپاگاندا هلبژارتنێن پارله‌مه‌نتۆیا کوردستانێ ده‌ ته‌ڤلی ئاهه‌نگه‌کا مه‌زن بوو و ئاخاڤتنه‌ک کر. نێچیرڤان بارزانی د ئاخاڤتنا خوه‌ ده‌ گۆت: پشتگریا پدکێ بکن ژ بۆ کو پدک پاشه‌رۆژا کوردستانێ برێڤه‌ ببه‌. ب پشته‌ڤانیا وه‌ دێ پدک بمینه‌ پارتیا جهێ هه‌ری باوه‌ریێ ل کوردستانێ. پدک تێ واته‌یا پێشمه‌رگه‌. پێشمه‌رگه‌ ژی گه‌له‌ک قوربانی ژ بۆ ئارمانجا پدکێ دانه‌. ژ به‌ر ڤێ ژی به‌رده‌وام پدک بسه‌ر دکه‌ڤه‌. وه‌ ژ هه‌موویان رە پشتراست کر کو پدک پێشره‌وه‌ و دێ هه‌ر پێشره‌و ژی بمینه‌. هوون پشتا پدکێ نه‌. نێچیرڤان بارزانی وەها دۆماند: پدک ناڤێ کوردستانێ و دۆزا گه‌لێ کورد ل دنیایێ به‌لاڤ کر. پدک بوو ئه‌و پارتیا کو هشت نه‌یارێن مه‌ نه‌چار ببن کو دانووستاندنان لگه‌ل مه‌ بکن. پدک ته‌کانه‌ پارتیا سیاسی یه‌ ل رۆژهلاتا ناڤین کو رۆژه‌کێ ژی ده‌ره‌و ل خه‌لکێ خوه‌ نه‌کریه‌. مه‌ گه‌له‌ک جاران به‌ردێل و باجا راستیا خوه‌ دایه‌. پدک قه‌ت ناشکێ و ناکه‌ڤه‌ و دێ هه‌ر به‌ر ب سه‌رکه‌فتنێ ڤه‌ بچه‌. سه‌رکه‌فتنا پدک سه‌رکه‌فتنا کوردستانێیه‌. ل کوردستانێ زیندانێن سیاسی نینن، ما ل کیژان وه‌لاتێن ناڤچه‌یێ ئه‌ڤ ئازادیا کو ل کوردستانێ تێ دیتن، هه‌یه‌؟ د پاشه‌رۆژێ ده‌ ژی ئه‌م دخوازن جڤاکا کوردستانێ ب ئاوایه‌کی پێش بکه‌ڤه‌ کو چ که‌س و ئالیه‌کی ده‌رڤه‌ نکاربه‌ باندۆره‌که‌ خه‌راب لێ بکه‌. دڤێ داگیرکرنا کوردستانێ ژ نه‌یاران رە ببه‌ خه‌ونه‌ک و ئه‌و خه‌ون ژی ب وان رە بێ ڤه‌شارتن. به‌رده‌وامیا ئاخاڤتنا خوه‌ ده‌ نێچیرڤان بارزانی گۆت: ده‌نگێ خوه‌ بدن پدکێ ژ بۆ ئابۆریه‌که‌ بهێز و ئاڤه‌دانیه‌که‌ مه‌زن و ژ بۆ مرۆڤێ کورد د ئاسته‌که‌ مه‌زنتر ده‌به‌، ژ بۆ کو گه‌لێ کوردستانێ هه‌ر پێشکه‌فتی به‌. پشتراست بن ئه‌ڤ کریزا ئابۆری یا ل کوردستانێ ده‌مکی یه‌ و دێ ئه‌و ژی ده‌رباس ببه‌. هه‌بوونا که‌سێن نه‌رازی ل کوردستانێ نیشانا هێڤیێن مه‌زنه‌ ل کوردستانێ. ئه‌م شانازیێ ب خه‌لکێ خوه‌ یێن زندی دکن. هنده‌ک ئالی به‌رده‌وام هه‌ول ددن کو پدکێ بشکینن، لێ قه‌ت وێ رۆژێ نابینن. پدک هێزا یه‌که‌مە ‌ ل کوردستانێ و ب پشته‌ڤانیا گه‌لێ کوردستانێ دێ پدک هه‌ر هێزا مه‌زن و یه‌کەم ل کوردستانێ بمینه‌. خه‌ونا پدک ژ بۆ گه‌لێ کوردستانێ یه‌ و خه‌ونێن مه‌ رەوا نه‌، ئه‌گه‌ر ئیرۆ ئه‌و خه‌ون پێک نه‌یێن دێ سبه‌ پێک وه‌رن. کوردستان بوهه‌شتا مه‌ یه‌ و ئه‌م نادن ب هه‌موو دنیایێ. وه‌ک سه‌رۆک بارزانی ژی دبیژه‌، ئه‌م خوه‌ ژ که‌سی ر ناچه‌مینن، لێ نه‌ ته‌نێ جاره‌کێ ١٠٠ جاری ئه‌م خوه‌ ژ گه‌لێ کوردستانێ رە دچەمینن.https://www.youtube.com/watch?time_continue=8&v=Lkwj44_gokw