پەیوەندی bergeh.com@gmail.com

پەیەدە د ناڤبەرا ئەمریكا و تركیێ دا

پەیەدە د ناڤبەرا ئەمریكا و تركیێ دا

سه‌ردانا شێورمه‌ندێ ئاسایشا نشتمانیا ئەمریکایێ، جون بۆلتۆن، بۆترکیێ و گۆتنێن سه‌رۆککۆمارێ ترکیێ ئه‌ردۆگان د ده‌ربارێ بۆلتۆن دا د مه‌دیا جیهانی دا جھەك بەرفرەھ گرت.

ڕۆژنامه‌یا تایمس داخویاکرن کو، ئه‌ردۆگان د داخویانیێن خوه‌ دا سڤکاتیێ ب ئەمركایێ دکه‌ و خوه‌ ئاماده‌ دکه‌ کو ئێریشێ کوردا بکه‌.

بۆلتۆن، به‌ری سه‌ردانا خوه‌ یا بۆ ئه‌نقه‌ره‌یێ، دابوو خویاکرن کو ئه‌گه‌ر ترکیا گارانتیێ نه‌ده‌ کو ئێریشێ کوردا نه‌که‌، ئەمریکا ڤه‌ناکشه‌.

ل سه‌ر ڤێ داخویانیا بۆلتۆن، ئه‌ردۆگان و به‌رپرسێن ترکیا گه‌له‌ک داخویانیێن توند و ھشك دان و ڕاگهاندن کو، پەیەدە ڕێخستنه‌ک ته‌رۆریسته‌ و ته‌مسیلا کوردا ناکه‌. هه‌روه‌ها ئه‌ردۆگان دا خویاکرن کو، ئه‌و ل ھەرێمێ دۆستێ کوردانە  و چ جارا ئێریشكرنا سەر کوردا د ڕۆژه‌ڤا وان دا نینە.

ژ ئالیه‌ک دن ڤە، ئه‌ردۆگان پێشنیاره‌ک ژ بۆ ئەمریکا کریه‌. ئه‌و د پێشنیارا خوه‌ دا دبێژه‌: هه‌موو چه‌کدارێن کو پێوه‌ندیا وان ب ڕێخستنێن ته‌رۆرێ ڕه‌ نینە بلا بکه‌ڤن ناڤا هێزا ئیستیقرارێ دا.

ئه‌ردۆگان د ڤێ پێشنیارا خوه‌ دا دخوازه‌ به‌حسا کیژان چه‌کداران بکه‌، جودا دھێتە شرۆڤه‌ کرن. ئحتماله‌ک مه‌زن قه‌ستا وی ئارتێشا ئازاد یا سوریێ یە. هنده‌ک ئالیێن کوردا د ڤێ پێشنیارێ ده‌ جھ دگرن یان نا، ناھێتە زانن.

ترکیا دده‌ خویاکرن کو، به‌رپرسێن ئەمریکایێ ب زانه‌بوون کوردا د که‌سایه‌تیا ڕێخستنه‌ک ته‌رۆریست دا ددن ناساندن و ئه‌و ڤێ یه‌کێ قه‌بوول ناکن

ژ بۆ ڤێ یه‌کێ ژی، ئه‌ردۆگان ل ئه‌نقه‌ره‌ ل گه‌ل بۆلتۆن نه‌جڤیا. ئه‌ڤ وه‌ک کریزه‌ک د ناڤبه‌را ئەمریکا و ترکیا دا هاته‌ نرخاندن. لێ ئەمریکا ل هەمبه‌ر داخویانیێن ترکیی ل سه‌ر ڤێ پرسێ تو داخوویانیێن ھشك نه‌دان و قه‌سرا سپی دا خویاکرن کو هه‌ڤدیتنێن باش د ناڤبه‌را ڕایەدارێن ترکیێ و ئەمریکایێ دا پێک هاتنه‌. ئانكو قه‌سرا سپی  سه‌ردانا بۆلتۆن یا بۆ ترکیێ ب ئەرێنی نرخاند

لێ تەڤی ڤێ ژی، گه‌له‌ک ژ پسپۆرێن ناڤده‌وله‌تی به‌حسا کریزه‌کێ د ناڤبه‌را ترکیا و ئەمریکایێ دا دکن.

گه‌له‌ک ئه‌شکه‌ره‌یه‌ کو نها ترکیا خوه‌ ئاماده‌ دکه‌ ئێریشێ ڕۆژهلاتێ فراتێ و تایبه‌تی ده‌ڤه‌را منبجێ بکه‌. هه‌تا ڤێ گاڤێ ئەمریکا ل ده‌ڤه‌رێ یه‌، لێ ژ بلی ڤێ هەسەدە  خوه‌ ژ ده‌ڤه‌رێ ددن ئالیه‌کی و ل هنه‌ک جهان هێزێن ڕژێما سوریێ و هه‌روه‌ها هێزێن ڕوسیایێ ژی ب جھ دبن

ئه‌گه‌ر ترکیا ئێریشێ ده‌ڤه‌ره‌کێ ل سوریێ بکه‌ کو کورد لێ نه‌بن یان ژی ئه‌و ده‌ڤه‌ر نه‌ خاکا کوردستانێ به‌، ئه‌ڤ نه‌ پرسگرێکا کوردا یه‌ ژی. نابه‌ کورد ئێریشا ترکیا ل سه‌ر ڕۆژهلاتێ فراتێ وه‌ک ئێریشه‌که‌ ل سه‌ر خاکا ڕۆژهلاتێ کوردستانێ بدن نیشاندان و پرۆپاگاندا ڤێ یەكێ  بکن. ئێریشا ترکیا یا ڕۆژهلاتێ فراتێ پرسگرێکا ڕژێما سوریێ یه‌. ژ خوه‌ ترک ل گه‌ل ئەمریکایێ ل هه‌ڤ نه‌کن چ جارا ئێریشێ ده‌ڤه‌ره‌کی کو هێزێن ئەمریکی لێ بن ناکن.

ترکیا دده‌ خویاکرن کو ئه‌و قەبوول ناكن ھێزێن پەیەدێ ل سەر سنۆر ھەبن . ل هەمبه‌ر ڤێ پەیەدە نها د گه‌ل ڕژێمێ رێكەفتن كریە و دێ هێزێن ڕژێمێ ل ده‌ڤرێن سنۆر بەلاڤ ببن.

لێ ل ڤێ ده‌رێ پرسا هه‌ری گرێنگ ئه‌وه‌ کو، ژ بۆ چ پەیەدە هه‌ڤکاریا ب ڕژێما سوریێ را باشتر دبینە ژ هه‌ڤکاریه‌کا د گه‌ل ئالیێن کوردستانی. دڤێ باش بێ زانن کو ئه‌گه‌ر هێزێن پەیەدێ ببن وه‌ک ملیسێن ڕژێما ئه‌سەد و هه‌ول بدن ڕۆژاڤایێ کوردستانێ کۆنترۆل بکن، دێ ئه‌ڤ یه‌ک گه‌له‌ک زه‌همه‌تیان ده‌رێخه‌ هۆلێ، هینگێ ئه‌نەکسە و هێزێن پێڤه‌ گرێدایی دێ هه‌ول بدن کو بکه‌ڤن کوردستانێ و کوردا بپارێزن.

یه‌که‌م ڕێیا  ل به‌ر پەیەدێ ئه‌وه‌ کو د گه‌ل ئه‌نەکەسێ لهه‌ڤهاتنه‌ک دروست بکه‌ و هه‌موو هێزێن خوه‌ ژ ده‌ڤه‌رێن نه‌ کوردستانه‌ ڤه‌کشینه‌ و دگه‌ل پێشمه‌رگه‌یێن ڕۆژ خاکا رۆژاڤایێ کوردستانێ ل هەمبه‌ر هه‌می ئێریش و ته‌حەدیان بپارێزه‌.

ژ ده‌رڤه‌یێ ڤێ پەیەدە به‌ر ب خه‌له‌تیه‌ک مه‌زن ڤه‌ دچه‌ و پاشه‌رۆژا خوه‌ دا دبه‌ میشاتێن ڕژێما ئه‌سەد و دژاتیا کوردستانێ و ده‌ستکه‌فتیێن کوردا دکه‌.

دەرگەھ ل پێشیا پەیەدێ ژ بۆ هه‌ڤکاریه‌ک نشتمانی د گه‌ل ئه‌نەکەسێ ڤه‌کریه‌ و نابه‌ ڤی دەرگەھی بگره‌ و خوە بدە وپال هێزێن دن و کوردا ژ مافێن وان یێن ڕه‌وا دوور بخه‌.