پەیوەندی bergeh.com@gmail.com

چما ناڤەرۆكا پەیاما ئوجەلان نەھات ئاشكرا كرن

چما ناڤەرۆكا پەیاما ئوجەلان نەھات ئاشكرا كرن

سلاحەدین ده‌مرتاش هه‌ڤسه‌رۆکێ بەرێ یێ ھەدەپێ، نها د گرتیگه‌هێ دا ڕۆژانه‌ هه‌ڤپه‌یڤینا د گه‌ل مه‌دیایێ چێدکه‌ و په‌یاما ژ بۆ هلبژارتنێن هه‌رێمی دده‌. ئه‌ڤ هه‌لوه‌ستا ده‌مرتاش گه‌له‌کی بالکێشه‌. نه‌ هه‌لوه‌سته‌ک ب سه‌رێ خوه‌یه‌ و مرۆڤ دکاره‌ ڤێ یه‌کێ د چه‌رچۆڤه‌یا ناکۆکیا د ناڤا پەکەکێ ده‌ بنرخینه‌.

هه‌روه‌ها هنده‌ک ئالیێن د ناڤا پەکەکێ دا کو ژ دل ئۆجەلان دحه‌بینن، ژ ڤێ هه‌لوه‌ستا ده‌مرتاش گه‌له‌ک عاجزن و ئه‌و دبێژن کو ده‌مرتاش هه‌ول دده‌ ڕۆله‌ ئاپۆ دئ ھلبژارتنێن سالا 2013ێ لەیزتی، نها ده‌مرتاش دخوازه‌ وێ رۆلێ بله‌یزه‌ .

تێ زانین کو، ده‌ما ده‌ستپێکا “پێڤاژۆیا چاره‌سه‌ریێ“ ئۆجەلان ژ ئیمرالی په‌یام ددان و په‌یامێن ئۆجەلان د قادا سیاسه‌تێ دا و ل قەندیل دهاتن نرخاندن. ھەر كەس ڤێ یەكێ دزانە کو په‌یام و داخوویانی و نامه‌یێن ئۆجەلان هه‌موو د کۆنترۆلا ئیستیخباراتا تركیێ (میتێ) دا دهاتن نرخاندن و پاشی ده‌رتێخستن ده‌رڤه‌. گه‌لۆ هه‌مان تشت ژ بۆ ده‌مرتاش ژی دبه‌ یان ڕاستی ئه‌ڤ ده‌رفه‌ت دانه‌ ده‌مرتاش کو په‌یامێن خوه‌ بگەهینه‌.

تده‌مه‌ک درێژ عەبدوڵاه ئۆجەلان ژ ڕۆژه‌ڤا پەکەکێ ده‌رکه‌تبوو. که‌سه‌کی به‌حسا وی نەدكر. لێ ڤێ داویێ ئۆجەلان هاته‌ بیرا ده‌سته‌یا ڕێڤه‌بر یا پەکەکێ و بریارا چالاکیێن گره‌ڤا برچیبوونێ هاته‌ داین. ئه‌ڤ چالاکی به‌لاڤ بوون و که‌ته‌ ڕۆژه‌ڤا سیاسی دا. د ڤێ ده‌مێ دا برایێ ئۆجەلان ل ئیمرالی سه‌ردان وی کر و په‌یامه‌ک ل گه‌ل خوه‌ ئانی.

برایێ ئۆجەلان دا خوویاکرن کو ڕه‌وشا ئۆجەلان باشه‌ و چ گوهه‌رتنه‌ک چێنەبویە و هه‌روه‌ها ته‌ندورستیا ئۆجەلان ژی باشە. په‌یاما ئۆجەلان ڕاده‌ستی هەدەپێ کر. هه‌ڤسه‌رۆکێن هەدەپێ دان خوویاکرن کو ئه‌و دێ په‌یاما ئۆجەلان ئاشکه‌را بکەن. لێ ده‌نگ ژ وان ده‌رنه‌که‌ت. ل گۆرا تێ گۆتن، قه‌ندیل نه‌هشت ئه‌ڤ په‌یام بێته‌ ئاشکه‌را کرن. برایێ ئۆجەلان ژی نه‌کاری ڤێ په‌یامێ ئاشکه‌را بکه‌، به‌لکی ژی قه‌ندیل ڕێ نه‌دایێ.

ژ ئالیه‌ک دن ڤە، مرۆڤ مه‌ره‌ق دکه‌ گه‌لۆ چ د ڤێ په‌یامێ ده‌ هه‌یه‌ کو ڕێڤه‌به‌ریا پەکەکێ پێ عاجز بویە. یان ژی دێ په‌یاما ئۆجالان دا، هاتیه‌ کو ئه‌ڤ گره‌ڤێن برچیبوونێ نه‌ ژ بۆ وی نه‌ . ئه‌گه‌ر گره‌ڤ ل سه‌ر داخوویانیا ئۆجەلان داوی بهاتان دێ به‌رنامه‌یا ڕهێڤه‌به‌ریا پەکەکێ تێک بچوویا. یان ژی پرسه‌ک دن د وێ پەیامێ دا ھەیە کو نه‌ ل گۆرا حه‌سابێن ڕێڤه‌به‌ریا پەکەکێ یه‌.

په‌یاما ئۆجەلان د ده‌ستێ حوکومه‌تا تركیێ دا ژی ھەیە. لێ گه‌لۆ ژ بۆ چ ئه‌وائاشکه‌را ناکن؟ دیارە له‌یزتکه‌ک د ڤێ مژارێ دا هه‌یه‌ . ئه‌و ژی ئیرۆ- سبه‌ ده‌ردکه‌ڤه‌ هۆلێ.

ژ ئالیه‌ک دن ڤه‌ ، ده‌ما گره‌ڤێن برچیبوونێ ده‌ستپێ کرین ده‌نگێ ده‌مرتاش قوت ببوو. لێ ئه‌ڤه‌ جاردن ده‌نگێ وی به‌لاڤ دبه‌. گه‌لۆ له‌یزتک د ناڤا پەکەکێ دا یه‌ یان ده‌رڤه‌یێ پەکەکێ یه‌، نایێ زانن.

گره‌ڤێن برچیبوونێ دگەهەن ئارمانجا خوه‌ یان نا، ئه‌ڤ نایێ زانن. د ڕاستیا خوه‌ دا ئارمانجا ڤێ چالاکیێ ب خوه‌ نایێ زانین. لێ وه‌ک پێشنیار، بلا ل قه‌ندیل ڕێڤه‌به‌رێن پەکەکێ بکه‌ڤن گره‌ڤا برچیبوونێ دا، پشت را ده‌مرتاش و هه‌ڤسه‌رۆکێ هەدەپێ بلا ده‌ست گره‌ڤا برچیبوونێ بکن هه‌تا بگەهن ئارمانجا خوه‌..

لێ مخابن هه‌تا ئه‌ڤ سیاسه‌تا خاپیۆنه‌ک هه‌بە دێ خوه‌لی ل سه‌رێ هنده‌کان به‌ و ژ ڤێ سیاسه‌تێ ڕا دبن ده‌ست و پێ.

نووچه‌/ئەنالیز